民間獨立調查研究,林鄭有邊份真係參考過?

民間獨立調查研究,林鄭有邊份真係參考過?
Photo Credit: Jorge Silva / Reuters / TPG Images 
我們想讓你知道的是

今時今日,香港的深層次問題,與林鄭月娥無視民間獨立調查研究相關。

文:陳劍青

我真係好想問林鄭月娥,我哋民間做咗獨立調查研究咁多年,其實有邊樣你真係有聽過?

當年清拆重建利東街,當年居民自發整咗個由下而上嘅「啞鈴方案」,拎埋規劃師學會銀獎,最後都俾你在任期間狠狠打碎社區全毀。

2007年,皇后碼頭畀你拆之前你搵咗規劃署開始研究「原址重置方案」,之後新聞稿重話:「往後的重置,以至整個中環新海濱的建設,我們是會聽大家的說話,我們一定會尊重市民往後給我們在設計海濱的意見。」隔咗兩年,就自己一鎚定音話唔會原址重置,令之前成個公眾參與報廢,而家去到2019年個碼頭重走埋數。

2xfs6ees6e2vl2mmjkycl4miaeevdt
Photo Credit: Vincent Yu/AP Photo/達志影像

你做發展局局長幫田生同地產商修訂條《強拍條例》護航,個陣有幾多民間政策建議都溫和到不得了,例如引入業主調解機制平衡地產商收樓權力,你都係聽都聽唔入耳。

你再搵周永新教授研究咗個全民退保方案,其實已經係相當溫和,最後又係用完即棄,如果你聽咗啲有老人家嘅中下階層屋企就唔會有咁大壓力。

2017年你個特首選舉政綱有話過會發展棕地乜乜乜,我哋本研社呢幾年至少做過3個研究報告,寫過無數篇文,你承諾咗嘅棕土政策到今日都唔知去到邊,剩係識得扮冇地掛住攪你個萬億人工島。

nx6jefz6pna660g6pl0vzfl2twbc0w
Photo Credit: AP IMAGES/達志影像

徇眾要求一定要講埋2018年林鄭發起個個「土地大辯論」,又話好注重民意先攪個全民諮詢,本身個土地供應專責小組啲委員已經好唔中立,最後個報告你都唔聽只係話會「參考」。最尾就剩係聽老董團結香港基金個研究攪大個東大嶼人工島,最多香港人支持嘅粉嶺哥爾夫球場同棕地就拖到天荒地老。

今時今日,香港形成咁深層次嘅問題,其中就係因為你咁多年,一次又一次都當民間嘅獨立調查研究冇到,所以今日唔會再有香港人信你呢個慣犯,搵啲專家學者親信做獨立調查研究係可以搵到深層次問題,因為你隻眼只會睇到人地係問題,no stake嘅青年人係問題,而睇唔到自己先至係問題嘅根源。

本文獲作者授權轉載,題目由編輯所擬,原文見作者Facebook

相關文章:

責任編輯:黎家樂
核稿編輯:鄭家榆

或許你會想看
更多『評論』文章 更多『政治』文章 更多『精選轉載』文章
Loader